Yazıların birində oxumuşdum ki, coğrafiya kitabları torpaq, fəlsəfə kitabları həyat, tarix kitabları qan qoxuyur. Əksər tarixi romanların bizə çatdırdığı ağrılar və dəhşətlərdir. “Müharibə qadın simalı deyil” və ya “Leyla” romanlarını oxuyub hansımız müharibədə iştirak edən qadınların ağrılarını hiss etməmişik ki?!... Belə tarixi əsərlərin bizim qadınlar haqqında da yazılmağa necə ehtiyacı var. Məhz “ALJİR” bu ehtiyacı özündə doğruldan bir əsər kimi Azərbaycanın ədəbiyyat tarixinə bəxş olundu. “ALJİR” müəyyən müddətdir ki, çap olunub. Amma hər zaman bu kitab barədə qarşıma hər hansı məlumat və ya paylaşım çıxdıqca oxumağa qərar verə bilmirdim. Müəllifin qələminə bələd idim, əla yazdığına şübhə etmirdim, amma…
Əslində mən “ALJİR”i oxumaq istəmirdim. Çünki şəxsimin həssas ruhu, hədsiz empati hissim mövzusu ağır romanları uzun müddət unuda bilmir. Bu baxımdan tariximizin əksər qanlı səhifələrini vərəqləyən biri kimi ürəyimin daha tab gətirməyəcəyini düşünürdüm. Mən Gülnarə və Firuzə kimi qadın gücünün hüdudsuzluğundan xəbərsiz idim. Romanı oxudum, amma “oxudum” demək çox sadə ifadə olar. Bir az oxudum, sonra yarıda saxladım, bir az oxudum, sonra yenə, yenə…Günlərlə hadisələrin təsirindən çıxa bilmədim. Bəzən isə evdən çıxarkən kitabı götürmək istəmirdim. Qapını örtəndə mənə elə gəlirdi ki, sanki “ALJİR” arxamdan bu sözləri deyir: tariximizi sizlər oxuyub gələcək nəsillərə çatdırmasa bəs kimlər edəcək?! Bəzən də özümlə götürsəm də, açıb oxumağa gücüm çatmırdı. Müəllifin özünün də dediyi kimi, bu kitab dərsliklərə salınmalıdır. Bu kitab hər kəs tərəfindən oxunmalıdır. Bu kitab mütləq formalaşmaqda olan gənc nəslə oxutdurulmalıdır! Çox böyük ürək yanğısı və təəssüf hissiylə əsəri bitirdim. Kitabın son səhifələrində deyildiyi kimi, həqiqət o qədər ağır idi ki, hiss etdiklərimin hamısını yazmağa gücüm çatmadı. Gücümün çatdığı romanı təhlil edərkən qarşıma çıxan qeyri-adi fikirlərin təhlili üçün yazıçıya ünvanlandığım bu suallar oldu.
- - İnsan
nəyin uğurunda mübarizə aparmır ki… “Faust” da necə də gözəl deyilib: Bizə nə
lazımdır - onu bilmirik, nəyi biliriksə - o lazım deyil. Bəzən məchulluqda
ç ırpınar, bəzən xilas yolu arayar, bəzən də boğulmaq. Amma hər kəsin bir “niyə”
sual var. Hər kəsin öz həqiqəti və bilmək istədiyi cavablar var. Bəzən fərqində
olmadan uzun illər bunun uğrunda mübarizə aparar. Təhtəlşüurun pıçıldadıqları, əsl
mənə gedən yol və səthi həyat. İnsan var elə səthdə yaşayır, onun okeanın dərinliyindən
xəbəri olmur, amma mübarizəsi yenə davam edir, çünki onu nəhəng bir qüvvə həmişə dərinə çəkir.
- Gözlərinə baxaraq qəlbini görmək istədiyiniz
insan olub?
- Çox
olub, amma bu hər zaman mümkün olmayıb. Biz adətən bizə lazım olanlara şəkil və
məna verməyi sevirik. Bəlkə də gözlərinə baxaraq qəlbini görmək istədiyimiz
insanlarda məhz istədiyimizi görmək istəmişik, istəmişəm.
- Çox
düşünürsünüz, yoxsa çox inanırsınız?
- Son
illər çox inanıram. Çünki düşündükcə məsələlərin içindən çıxa bilməyəcəyimi dərk
edirəm. Axına buraxıram və zamanla hamısı yoluna düşür. Bəzən axtardığım
sualların cavabı belə gəlib məni elə yerdə tapır ki, o an məhz inancı seçdiyimə
görə şükürlər edirəm.
- Özünüzə
özünüzdən baxmağı bacarırısınız?
-Bəzən
alınır deyək. Amma bu həmişə olmur. Empati duyğusu həddindən çox aşıb –daşanda
bu elə də baş tutmur, özümə də rəhmim gəlir, bəzən)))
- Yeniyetməliyi
və gəncliyi olmayan insanları hiss edə bilirsiniz?
- Yazıçı
mövqeyindən baxanda o boz yoxluğun fərqinə tez varıram. Bu elə də yaxşı duyğu
deyil. Ümumiyyətlə, bilgi hər zaman insanın xeyrinə deyil. Bilmədiklərimiz bəzən
narahat etdiyi kimi, xoşbəxt də edə bilər. Ona görə insan marağının məhdudlaşdırılmasının
tərəfdarıyam. Bu onu çox düşündüyümdən irəli gəlir. “ALJİR” barədə verdiyim ilk müsahibədə də qeyd
etmişdim ki, informasiyanın yoxluğu kimi bolluğa da ziyanlıdır. Bəzən insan və
ya hadisə haqqında məlumat bolluğunda boğulmaqdansa, bilməməyinə üstünlük verirəm.
Bu hər zaman mümkün olmur.
- Azadlıq “zəncir”imizin uzunluğu qədərdir?
- Azadlıq
nisbi anlayışdır. Mütləq azadlıqdan heç vaxt söhbət gedə bilməz. Bizim bəlkə də mələklər
kimi göylərə qanadlanmamağımız üçün bütün bu zəncirlər var. Ailə, sosial mühit,
cəmiyyət, siyasi quruluşlar. Məhz orada ALJİR romanında azadlığın yanlış təqdim
olunduğu cəmiyyətdə belə bir gün kimlərsə qalxıb nələrisə mühakimə edəndə bu məsələ
ortaya çıxır: Azadlıq varmı? Varsa önun sərhədlərini kim müəyyən edir?
- Doğrudan, dərd böyük olanda insan unudub keçir?
- İnsan
beynin özünümüdafiə sistemi var. Bu özünümüdafiə sistemi işə düşməsə insan sadəcə
olaraq çatlayıb ölər. Tarix ən dəhşətli hadisələri ilə insan yaddaşında
şırımlar açıb. Hansılar unudulmayıb ki… Eləcə də 37 – ci il bizim xalqın sinəsində
daim qövr edən bir yaradı. O yaranı belə unutduq, daha böyük yaralar sayəsində…
- Bütün
insanları bir ana hənirtisi tərk-silah etməyə qadirdir?
- Ana
böyük məvfumdur. Hətta Stalin kimi rəhmsiz anası ölənə kimi Tiflisə - ona baş çəkməyə
gedib. Eləcə də “ALJİR”- in qəhrəmanı da anası
və özü ilə münasibətlərini yola qoymaq üçün bütün ömrünü xərcləyir.
- Arzular
inancdan böyük olanda reallaşmır?
- Arzularımız
hədəflərimizdir. Əgər o hədəflərə doğru inancımız yoxdursa və bizə qüvvət verən
ideallarımız yoxsuldursa, hansı arzunun reallaşmasından bəhs edə bilərik ki…
- Ayın
səssizliyində qərq olanlar kimlərdir?
- Son
zamanlar paylaşdığım sitatlar yeni romanın addım səsləridir. Hazırda üzərində
iş gedir. Təxminən 1500 illik bir tarixi dövrü əhatə edir və romanı
yaradıcılığımın ən gözəl mərhələsi hesab edirəm. Romanda həyat mübarizəsində
sükut edərək əldə edənlər və mübarizə apararaq dişi ilə dırnağı ilə cırmaqlayıb
qazananlarının görüşdüyü ortaq bir meydandan – həyat yolundan bəhs olunur. Ayın
səssizliyinə qərq olanları oxucu orada görəcək. Bu sualın cavabı yeni
romandadır.
- Bütün
xatirələr göz yaşlarından sonra qalanlardır?
- Ümumiyyətlə,
ALJİR –də əsas fokuslandığım məsələ xatırələr və yaddaşdır. İndi yazdığım roman
insan arzularına həsr olunubsa, ALJİR sırf tarixi və fərdi yaddaşdan bəhs edir.
Ələnmiş, arınmış xatırələr, emosiyadan və sən, mən subyekt və obyektlərindən
sıyrılmış xatirələrdən bəhs olunur.
- Seçimləri,
sadəcə olaraq, Tanrı tərəfindən göndərilənlər kimlərdir?
- Elə
ALJİR qəhrəmanları buna misal ola bilərlər. Onlar dolayısı ilə seçimlərinin
qurbanı olsalar da, təcavüz nəticəsində dünyaya gəlmiş övladlarına sahib
çıxmaları və sonrakı həyatları onlara göndərilmişdi. Bu yaxınlarda elə bu barədə
bir yazı yazdım. “Üçün Dördə Həyat” adlıb kiçik essedə məhz bu suala cavab
olacaq nüansları qeyd etdim. Həmin essedə Fransada ikinci cəbhənin açılışında
amerikalılara əsir düşən koreyalı əsgərlərdən bəhs etmişəm.
- Zamanı
bilmək insanı yaşadır? Bəs axı “xoşbəxtlər saata baxmaz” deyirlər.
- ALJİR
– də dörd divar arasına həbs olunmuş və məchulluğa qərq olmuş insanların
hallarında bu dəhşətli bir hissdir. Xoşbəxtlər saata baxmaz cümləsi isə, məncə, hansısa xoşbəxt anın məhsuludur. Zaman insana istiqamət verir, zaman insana ümid bəxş edir, zaman yaraları qaysaqlandırır və xoşbəxtlik ümidlərimizi
artırır. Əgər "Sabah hər şey yaxşı olacaq!" ümidimiz olmasaydı, nə gecələrimizin
zülməti ağarardı, nə qəlbimiz sakitlik tapardı.
- Bütün zamanlarda yaddaş insan üçün mükafat deyil , sizcə?
Hər
zaman deyil. Bu vəziyyətdən vəziyyətə dəyişir. Bəzən unutmaq istədiklərimiz
xatırlamaq istədiklərimizdən qat –qat çox olur. Amma tarixi nöqteyi – nəzərdən
bir millətin nicatı onun yaddaşından keçir. Bəşəri anlamda mükafatdı, fərdi
anlamda isə insandan insana dəyişir.
- Qorxu
bənövşəyi rəngdə ola bilməz, o boz bir az da ağ rəngdədir.
- Bu yenə
fərdi yanaşmadır. Bu yaxınlarda bir yazıçının qorxunu qəhvəyi rəngdə təsvir
etdiyini oxudum. Bu psixoloji sarsıntıların, insan psixologiyasının
yanaşmasıdır. Bir yazıçı bunu belə görür, digəri başqa cür yanaşır.
- Məncə
Selcanın həyatından boşluqlar buraxılıb. Oxucuya onun düşərgədəki düşdüyü halın
sonu maraqlı ola bilər.
- ALJİR -
də qəhrəmanlar həddindən artıq çoxdur, mən onların hamısın həyat hekayəsini
mümkün olduğu kimi verməyə çalışımışam. Amma qayda olaraq romanda əsas qəhrəmanlar
və köməkçi epizodlar olur. Selcanın həyatı köməkçi epizod kimi verilib. Bu anda
o sadəcə olaraq nəhəng mövzuda qüvvətləndirmə səciyyəsi daşıyır.
- Ad
seçimində sizi zəif yazıçı sanmışam, lakin bu dəfə Pərvanə adı uğurla seçilib.
- Təşəkkür
edirəm. Adlar romanda ən son fikir verdiyim məsələdir. Əsas fokuslandığım mövzu
və çatdıracağım ideya olur. İndi yazılan romanda isə tam əksi baş verir. Adlar
hamısı birbaşa qəhrəmanların taleyi ilə əlaqədardır.
- Qrafika
zəifdir. “Vətən xainləri” ifadəsi dırnaqda yazılmalı, ya da ən azı qırmızı rənglə
verilməli idi. Qatar üzü gediş istiqamətində olmalı idi. Axı gedənlər hamısı
dönmədi. Ümumi dizayn barədə nə deyə bilərsiniz?
- Bu məsələ
barədə nəşriyyata bildirdim. Kitabın üz qabığı , dizaynı və piar işləri birbaşa
nəşriyyatın məsuliyyətinə aiddir. Daim vurğuladığım bir məsələ var: Romanı
bitirdikdən sonra o artıq mənim üçün görülmüş işlər siyahısına daxil edilir. O
yazıların sonrakı taleyini nəşriyyat və
oxucular təyin edir.
- Qorxmadınız?
- Romanda
son sözdə qeyd etdiyim kimi həqiqətə tamlığı ilə gücüm çatmadı. Hətta bu hadisələr
barədə oxuyanda bir fakt da qarşıma çıxdı, onu ümumiyyətlə yazmağa əlim gəlmədi:
Təcavüzə uğramış qadınlar vətənə dönəndə onları qohumları qəbul etməyiblər.
Çünki yanlarında uşaq var idi. Onlar nə qədər izah etsələr də onlara
kim inanacaqdı ki?!… Belə tarixi hadisələrdə qadınlar və uşaqlar daha çox bədbəxt
olurlar. Çünki onlar zorlanıb, aşağılanıb və bütün bunlarda da günahkar yenə
onların özü olur, çünki qadındılar. Qadın hər zaman günahkardır prinsipi burada
da işləyir. Qorxmaq deməzdim, çox ağrıdım, çox təsirləndim deyək. Ümid edirəm o
ağrıları, o acılar əks etdirə bilmişəm.
- Hələ
də suallarınız var?
- Suallarım
yoxdur, bəlkə də olacaq. Şəxsi zəmində bütün suallarımın cavabını bilirəm. Ya
da təxmin edirəm deyək. Amma bəşəri müstəvidə təbii ki, suallar var və
yaranacaq, amma əminəm ki, cavabsız sual yoxdur, tənbəl və ya cavabı bilmək istəməyən
insan var.
- “ALJİR” sizi ölümsüzləşdirəcək!
- Təşəkkür
edirəm. Güman edirəm, bir tarixçi və yazıçı olaraq o dövrdə zülm çəkmiş
qadınlara az da olsa mənəvi borcumu ödədim. Yalnız bir istəyim var: Bu roman öz
qiymətini alsın. Dərsliklərə salınsın, uşaqlarımıza verilsin, gəncliyimiz xəbərdar
olsunlar. Bu roman Azərbaycan Xalq Cümhuriyyəti barədə yazacağım romana
istinad nöqtəsi olsun. Bu roman öz qiymətini alsa, o dövr üçün yazacağım roman
üçün ən azından ilham mənbəyi olar. Çünki tarixi roman yazmaq məsuliyyət tələb
edir.
- Mənə
olan imzanızı müsahibənin sonuna yazın.
- Milli – mənəvi
dəyərlərimizin, ruhumuzun sizin kimi gənclərə ehtiyacı var, İlahə xanım. Sizi
bu böyük maarif yolunda mübarizliyinizi
necə kəşf etmişəmsə, tarixdə sizi elə tanısın. Sizin kimi gəncləri olan millətin
gələcəyi ölümsüz, yaddaşçı mühafizə olunmuşdur. Uğurlar, mübariz ruhlu gəncim…
Söhbətləşdi oxucu İlahə Eldar